मध्य रेल्वेच्या सोलापूर विभागाला ७० व्या विशिष्ट रेल सेवा पुरस्कार २०२५ मध्ये कार्यक्षमता आणि ट्रॅक मशीन शील्ड मिळाले

उत्कृष्ट कामगिरीसाठी सोलापूर विभागाच्या ९ रेल्वे कर्मचाऱ्यांना “विशिष्ट रेल सेवा पुरस्कार” प्रदान

मध्य रेल्वेचे महाव्यवस्थापक विवेक कुमार गुप्ता यांनी २१ जानेवारी २०२६ रोजी मुंबई, सीएसएमटी येथील मध्य रेल्वे सभागृहात आयोजित समारंभात, उत्कृष्ट कामगिरीबद्दल ९८ व्यक्तींना ७० वा “विशिष्ट रेल सेवा पुरस्कार २०२५” आणि विविध विभाग/कार्यशाळा/स्थानकांना २४ शील्ड प्रदान केले.

मध्य रेल्वेच्या सोलापूर विभागाने कार्यक्षमता शील्ड आणि ट्रॅक मशीन शील्ड जिंकले, जे विभागीय रेल्वे व्यवस्थापक,सोलापूर डॉ. सुजीत मिश्रा आणि त्यांच्या संघाने स्वीकारले.

महाव्यवस्थापकांनी सोलापूर विभागाच्या ९ रेल्वे कर्मचाऱ्यांना त्यांच्या प्रशंसनीय कामगिरीबद्दल वैयक्तिक पुरस्कार श्रेणीमध्ये “विशिष्ट रेल सेवा पुरस्कार” देऊन सन्मानित केले. सोलापूर विभागातील पुरस्कार विजेते खालीलप्रमाणे आहेत:
१. आदित्य त्रिपाठी, वरिष्ठ विभागीय वित्त व्यवस्थापक (Sr DFM), लेखा विभाग
२. राहुल सुदाम कांबळे, ट्रेन तिकीट निरीक्षक (TTI), वाणिज्य विभाग
३. संतोष विठ्ठल काटकर, ट्रॅक मेंटेनर-II, स्थापत्य अभियांत्रिकी विभाग
४. हंदरगुळे विशाल सूर्यकांत, ट्रॅक मेंटेनर-IV, स्थापत्य अभियांत्रिकी विभाग
५. अखिल बशीर शेख, ट्रॅक मेंटेनर-I, स्थापत्य अभियांत्रिकी विभाग
६. महबूब के नदाफ, वरिष्ठ तंत्रज्ञ (फिटर), यांत्रिक विभाग
७. संजीवकुमार वैजनाथराव अर्धापुरे, स्टेशन अधीक्षक (SS), परिचालन विभाग
८ विजय सूर्यभान यादव, मुख्य डेपो मटेरियल अधीक्षक (CDMS), स्टोअर्स विभाग, कुर्डुवाडी कार्यशाळा
९. रवींद्र शंकर राठोड, वरिष्ठ तंत्रज्ञ (वेल्डर), कुर्डुवाडी कार्यशाळा (नागरी संरक्षण)

या प्रसंगी बोलताना महाव्यवस्थापकांनी ‘अति विशिष्ट रेल सेवा पुरस्कार’ विजेत्यांचे आणि नवी दिल्ली येथे नुकतेच ५ शील्ड जिंकणाऱ्या संबंधित मध्य रेल्वेच्या संघांचे अभिनंदन केले. रेल्वे बोर्ड स्तरावर ५ शील्ड जिंकणे ही स्वतःच एक मोठी कामगिरी आहे, असेही ते म्हणाले. गुप्ता म्हणाले की, “लोकांना रेल्वेकडून खूप अपेक्षा आहेत” आणि म्हणूनच त्या पूर्ण करण्यासाठी, माननीय रेल्वेमंत्र्यांनी सर्व रेल्वे कर्मचाऱ्यांनी अवलंबण्यासाठी काही उपाययोजना तयार केल्या आहेत.

• २०२६ वर्षासाठी ‘५२ आठवड्यांत ५२ सुधारणा’ हे लक्ष्य निश्चित केले आहे.
• प्रवासी, रेल्वे कर्मचारी आणि रेल्वेची मालमत्ता व प्रणाली यांच्या सुरक्षेवर लक्ष केंद्रित केले.
• वेगवान काळासोबत राहण्यासाठी तंत्रज्ञान, नवोपक्रम आणि कृत्रिम बुद्धिमत्तेचा (AI) अवलंब करणे.
• देखभाल पद्धतींचे आधुनिकीकरण,
• प्रशिक्षणाचे मापदंड सुधारणे आणि कौशल्य विकासावर लक्ष केंद्रित करणे, आणि
• बदलत्या काळासोबत चालण्यासाठी जुनी मानसिकता बदलणे.

त्यांनी सर्व पुरस्कार विजेत्यांचे अभिनंदन केले आणि सर्व प्रधान विभागप्रमुख, विभागीय रेल्वे व्यवस्थापक, अधिकारी आणि कर्मचारी यांचा समावेश असलेल्या सक्षम कार्यशक्तीचा आपल्याला अभिमान असल्याचे सांगितले. त्यांनी यावेळी पुरस्कार न मिळालेल्यांनाही प्रोत्साहनपर शब्दांनी प्रेरित केले. यश मिळवण्यासाठी समर्पण आणि समान ध्येय समोर ठेवून एकसंघपणे काम करण्याच्या महत्त्वावर त्यांनी भर दिला. ते म्हणाले, “हे पुरस्कार या कल्पनेला बळकटी देतात की कठोर परिश्रम आणि समर्पणाला महत्त्व दिले जाते आणि त्याचे कौतुक केले जाते आणि त्याचे फळ लवकरच मिळेल.”

यावेळी अतिरिक्त महाव्यवस्थापक प्रतीक गोस्वामी, प्रधान मुख्य कार्मिक अधिकारी पी. पी. पांडे, सर्व प्रधान विभागप्रमुख (पीएचओडी), विभागीय रेल्वे व्यवस्थापक (डीआरएम) आणि मध्य रेल्वेचे इतर अधिकारी, मध्य रेल्वे महिला कल्याण संघटनेचे (सीआरडब्ल्यूडब्ल्यूओ) अध्यक्ष आणि कार्यकारी समिती सदस्य, तसेच मान्यताप्राप्त युनियनचे प्रतिनिधी उपस्थित होते.

या कार्यक्रमापूर्वी मध्य रेल्वे सांस्कृतिक अकादमीच्या कलाकारांनी सांस्कृतिक कार्यक्रम सादर केला. संपूर्ण कार्यक्रम यूट्यूब चॅनलवर थेट प्रक्षेपित करण्यात आला. जनसंपर्क विभागाने कार्यक्रम थेट पाहण्यासाठी स्कॅन करण्यायोग्य क्यूआर कोडची प्रणाली सुरू केली होती.