सोलापूर : येथील प्रसिध्द प्रधान नेत्र रुग्णालय व प्रधान लॅबोरेटरीने जुळे सोलापूर येथे आपली शाखा नुकतीच सुरू केली आहे. डी मार्टच्या मागील बाजूस, के. एल.ई. शाळेच्या शेजारी, प्रेरणा कॉम्प्लेक्स येथे ही सेवा सुरू करण्यात आल्याची माहिती डॉ. उमा प्रधान यांनी दिली.
प्रधान नेत्र रुग्णालय ही गेली ४० वर्षे रुग्णांच्या सेवेत असून नेत्रतज्ज्ञ डॉ. उमा प्रधान यांच्यासह त्यांचे सुपुत्र नेत्रतज्ज्ञ डॉ. वीराज प्रधान व सून डॉ. स्वाती प्रधान या सेवेत रुजू झाल्या आहेत.
डॉ. वीराज प्रधान एमएस असून कॉर्निया रेफ्रेक्टिव्ह सर्जरीचे त्यांनी विशेष प्रशिक्षण घेतले आहे. तर डॉ. स्वाती प्रधान याही एमएस असून फॅको व रेफ्रेक्टिव्ह सर्जरीच्या विशेष तज्ज्ञ आहेत. प्रधान नेत्र रुग्णालय येथे नेत्रतज्ज्ञ डॉ. लीना अंबरकर, डॉ. स्वाती गायकवाड, डॉ. व्यंकटेश अंबरकर व डॉ. आनंद भोसले हेदेखील आपली सेवा देत आहेत. बऱ्याच वर्षांपासून जुळे सोलापूर भागातील रुग्णांच्या मागणीनुसार ही शाखा सुरु करीत असल्याचे डॉ. उमा प्रधान यांनी सांगितले. नेत्रविकाराच्या रुग्णसेवांसह येथे प्रशस्त लॅबोरेटरीची सेवा सुरु करण्यात आली आहे.
