सोलापूर : तोगटवीर शिक्षण संस्था सुवर्ण महोत्सवी वर्ष 2023 – 24 निमित्त शिक्षण संस्थेच्या कै. आ. ह. आब्बा प्राथमिक विद्यालय व चौडेश्वरी प्रशालेच्या वतीने क्रीडा सप्ताहाचे उदघाटन आसावा प्रशाला मैदान येथे करण्यात आले. या दिमाखदार कार्यक्रमचे उद्धघाटन माजी रणजीपटू नितिन देशमुख, एस न्यु मराठीचे संपादक शिवाजी सुरवसे, मोरया जिमचे संचालक अमोल लांडगे, तोगटवीर समाजचे अध्यक्ष आनंदराव बडगंची, चौडेश्वरी पतसंस्थेचे चेअरमन अरुण चिंता, तोगटवीर क्षत्रिय युवक संघाचे प्रवीण चिला, डॉक्टर नारायण रंगम या मान्यवरांच्या हस्ते ,दीपप्रज्वलन व क्रीडाज्योत प्रज्वलित करण्यात आली.
पुणे विभागीय शालेय सिकाई मार्शल आर्ट क्रीडा स्पर्धेत यश संपादन केलेले विद्यार्थी सृष्टी म्हेत्रे, मादेशा माळी, कीर्ती माळी, श्रीराम साळुंखे व नवलकिशोर पोला या विद्यार्थ्यांचा सत्कार करण्यात आला.सहशिक्षक विश्वनाथ कंदी यांनी विद्यार्थ्याकडून क्रीडा शपथ घेतली. याप्रसंगी प्रमुख पाहुणे नितीन देशमुख यांनी स्वतःचे क्रीडा क्षेत्रातील अनुभव व विद्यार्थी जीवनामध्ये खेळ हा विषय किती महत्त्वाचा आहे याबद्दल मनोगत व्यक्त केलं. प्रमुख पाहुणे शिवाजी सुरवसे यांनी शिक्षकांनी विद्यार्थ्यांच्या कलागुणांना वाव द्यावा व भविष्यातील उत्तम पत्रकार, राजकारणी, पोलीस तयार करावेत आणि विद्यार्थ्यांनी भरपूर खेळ खेळावेत असे मार्गदर्शन केले.
सदर प्रसंगी शिक्षण संस्था सदस्य व्यंकटेश रंगम, मुख्याध्यापिका सविता येरझल यांनी आपले मनोगत व्यक्त केले. सदर प्रसंगी शिक्षण संस्था उपाध्यक्ष अमर उदगीरी, सहसचिव सतीश पेरमाळ , खजिनदार विलास चिंता व शिक्षण संस्थेचे सन्माननीय सदस्य,समाजाचे पदाधिकारी तसेच विद्या शिंपी ( मुख्याध्यापिका कै . आ . ह . आब्बा प्राथमिक विद्यालय ) सर्व शिक्षक शिक्षिका शिक्षकेतर कर्मचारी , उपस्थित होते.सदर कार्यक्रमाचे सूत्रसंचालन दिलीप फडतरे यांनी केले तर उपस्थिततांचे आभार विश्वनाथ कंदी यांनी मानले
