सोलापूर : श्री राष्ट्रसंत तुकडोजी महाराज माध्यमिक आश्रम प्रशाला नेहरूनगर सोलापूर येथे मागास समाजसेवा मंडळाचे सचिव किरण चव्हाण यांचा वाढदिवस मोठ्या उत्साहात साजरा करण्यात आला. प्रशालेच्या मुख्याध्यापिका अश्विनी चव्हाण यांच्या हस्ते बुके व फेटा बांधून अभिष्टचिंतन करण्यात आले व पुढील वाटचालीस शुभेच्छाही देण्यात आल्या.सत्कार मूर्तीनी आपल्या मनोगतामध्ये कृतज्ञता व्यक्त केली.वाढदिवसानिमित्त प्रशालेच्या प्रांगणात किरण चव्हाण यांच्या शुभहस्ते वृक्षारोपण करण्यात आले. याप्रसंगी प्रशालेचे पर्यवेक्षक उमेश यळसंगी, सचिन चव्हाण , मोहन राठोड ,दिलीप सगर, मार्गिट सगर तसेच बसवनगर गांधी आश्रम शाळा, आयडियल इंग्लिश मीडियम स्कूल, वसंतराव नाईक हायस्कूल , न्यू हायस्कूल सलगरवाडी, जागृती विद्यामंदिर, समता मराठी विद्यालय, प्राथमिक गांधी आश्रम शाळा ,जय जवान जय किसान सैनिकी शाळा, अध्यापक विद्यालय नेहरूनगर येथील सर्व शिक्षक शिक्षिका शिक्षकेतर कर्मचारी उपस्थित होते.
