सोलापूर मंगळवेढा या राज्य महामार्गावर शुक्रवारी सकाळच्या सुमारास चारचाकी वाहनांच्या धडकेत सोलापुरातील एका शिपायाचा मृत्यू झाला आहे. सोलापूर मंगळवेढा या राज्य महामार्गावरील इंचगाव येथे रस्ता ओलांडताना स्विफ्ट डिझायर या वाहनांच्या धडकेत संभाजीराव शिंदे विद्या मंदिरात शिपाई म्हणून काम करणारे पंडित मारेप्पा अट्टेलूर यांचा जागीच मृत्यू झाला आहे. संभाजीराव शिंदे शाळेचे विद्यार्थी त्यांना मामा म्हणून ओळखायचे .सोलापूर महानगरपालिकेचे माजी स्थायी समिती सभापती आणि काॅग्रेसचे नेते सिद्राम अट्टेलूर यांचे ते बंधू होते.
