सोलापूर – “शासन आपल्या दारी”या कार्यक्रमांतर्गत सोलापूर जिल्ह्यातील सुशिक्षित बेरोजगार उमेदवारांसाठी दिनांक १८ मे २०२३ रोजी पंडित दीनदयाळ उपाध्याय ऑनलाईन रोजगार मेळाव्याचे आयोजन करण्यात आले आहे. जिल्हा कौशल्य विकास, रोजगार व उद्योजकता मार्गदर्शन केंद्र, सोलापूर आणि मॉडेल करिअर सेंटर, सोलापूर यांच्या संयुक्त विद्ममाने जिल्ह्यातील नोकरीइच्छुक उमेदवारांना रोजगार उपलब्ध होण्याच्या दृष्टीने हा ऑनलाईन रोजगार हा मेळावा आयोजित करण्यात आला आहे.
या रोजगार मेळाव्यात दहावी, बारावी, आय. टी. आय. वेल्डर, फिटर, डिप्लोमा, ग्रॅज्युएट, ऑफिस असिस्टंट. कोणतीही पदवी, इलेक्ट्रीशियन, मशिन ऑपरेटर अशा प्रकारची एकूण ८०० पेक्षा जास्त रिक्त पदे ९ उद्योजकांनी ऑनलाईन अधिसूचित केलेली आहेत.
नोकरी इच्छुक उमेदवारांनी https://rojgar.mahaswayam.gov.in या संकेतस्थळावर नोंदणी पूर्ण करून शैक्षणिक पात्रतेनुसार उपलब्ध रिक्त पदांसाठी ऑनलाईन अॅप्लाय करावे, जेणेकरून त्यांना मेळाव्यात सहभागी होता येईल. याबाबत काही अडचण आल्यास कार्यालयाच्या ०२१७-२९५०९५६ या दूरध्वनीवर अथवा प्रत्यक्ष जिल्हा कौशल्य विकास, रोजगार व उद्योजकता मार्गदर्शन केंद्र, नॉर्थ कोट, पार्क चौक, सोलापूर येथे संपर्क साधावा, असे आवाहन करण्यात येत आहे.
