महानगरपालिका पर्यावरण विभाग व रॉयल रायडर्स ग्रुपचा 1 जानेवारी रोजी उपक्रम
सोलापूर : माझी वसुंधरा अभियान 3.0 व राष्ट्रीय स्वच्छ वायु उपक्रम अंतर्गत सोलापूर महानगरपालिका पर्यावरण विभाग व रॉयल रायडर्स ग्रुप, सोलापूर यांच्यावतीने नवीन वर्षाच्या स्वागतासाठी 1 जानेवारी 2023 रोजी सकाळी 5:45 वाजता सोलापूर सायक्लोथॉन 2023 या उपक्रमाचे आयोजन केले आहे.
सायक्लोथॉन 2023 च्या निमित्ताने नविन वर्ष पर्यावरणपूरक पद्धतीने साजरे करण्याचा संकल्प करण्यात येणार आहे. या उपक्रमात सहभागी होण्यासाठी नाव नोंदणी आवश्यक आहे. 1 जानेवारी रोजी सकाळी पावणे सहा वाजता नॉर्थकोर्ट मैदान येथून सायक्लोथॉनला सुरुवात होईल. लहानांसाठी 7 किलोमीटर आणि मोठ्यांसाठी 12 किलोमीटर सायकलिंग असेल. शहराच्या विविध भागातून सायकलिंग करून समारोप नॉर्थकोर्ट मैदान येथेच होणार आहे.
सोलापूर महानगरपालिका आयुक्त, अतिरिक्त आयुक्त, उपायुक्त, विभाग प्रमुख यांच्यासह अन्य शासकीय अधिकारी आणि सोलापुरातील मान्यवर या उपक्रमात सहभागी होणार आहेत. नाव नोंदणीसाठी 9657421081, 9890628533, 9021221114 यापैकी कोणत्याही एका क्रमांकावर संपर्क साधावा. तसेच https://forms.gle/ACsyjw5Dc5gyLwET9 या लिंकवर जाऊन ऑनलाइन फॉर्म भरावा, असे आवाहन सोलापूर महानगरपालिका पर्यावरण विभागाने केले आहे.
