येस न्युज नेटवर्क : आयपीएलचा मेगा ऑक्शन सुरु असताना सुत्रसंचालन करणारे ह्यू एडमिड्स भोवळ येऊन खाली कोसळल्याची घटना घडलीय. ज्यामुळं आयपीएलचं मेगा ऑक्शन तात्पुरतं थांबवण्यात आलंय. त्यांची प्रकृती स्थिर असल्याची माहिती समोर आलीय. लवकरच आयपीएलच्या मेगा ऑक्शनला दुपारी 3.30 वाजता सुरुवात होणार आहे.
आयपीएलच्या 15 व्या पर्वासाठीच्या दोन दिवसीय लिलावाची आजपासून बंगळुरु येथे सुरुवात झाली. आज या मेगा ऑक्शनचा पहिला दिवस आहे. दरम्यान, श्रीलंकेचा फिरकीपटू वनिंदू हसरंगासाठी बोली लावली जात असताना ऑक्शनर ह्यू एडमीड्स अचानक जमिनीवर कोसळले. त्यामुळं ऑक्शन थांबवण्यात आलं. सध्या ऑक्शन थांबवण्यात आलं असून लंचची घोषणा करण्यात आलीय.
