सोलापूर महापालिका निवडणूक जाहीर होणार: मंगळवारी प्रभाग रचना समजणार

सोलापूर : राज्य निवडणूक आयोगाने एक फेब्रुवारी रोजी राज्यातील महापालिका निवडणुकांसाठी प्रभागरचना जाहीर करावी असे आदेश महापालिका आयुक्तांना दिले आहेत. त्यामुळे सोलापूर महापालिकेची देखील प्रभाग रचना मंगळवारी म्हणजे एक फेब्रुवारी रोजी जाहीर होणार आहे. या प्रभाग रचनेवर 14 फेब्रुवारीपर्यंत सूचना आणि हरकती देता येणार आहेत 26 फेब्रुवारी पर्यंत ह्या सूचना आणि हरकती वर सुनावणी होणार आहे सुनावणीनंतर शिफारसी निवडणूक आयोगाला पाठवण्यात येणार असून 2 मार्च रोजी अंतिम प्रभाग रचना जाहीर केली जाणार आहे. सोलापूर महापालिकेचे 38 प्रभाग करण्यात येणार असून त्यामध्ये 113 नगरसेवकांचा समावेश राहणार आहे. प्रत्येक प्रभाग तीन नगरसेवकांचा समावेश असेल त्यामुळे सोलापूर महापालिकेची निवडणूक ओबीसी आरक्षण वगळून होईल की ओबीसी आरक्षनानंतर पुन्हा प्रभागरचना होईल याबाबत उलटसुलट चर्चा आहे. शिवाय सोलापूर महापालिकेतील नगरसेवकांच्या प्रभाग फोडाफोडीचे राजकारण देखील मंगळवारी उघड होणार आहे.