सोलापूर : जिल्हा दूध उत्पादक संघाचे तत्कालीन व्यवस्थापकीय संचालक सतीश लिंबराज मुळे आणि कालिका अमृत मिल्क प्रॉडक्ट्स चे प्रोप्रायटर बाळकृष्ण पवार या दोघांनी संगणमत करून ४२ लाख ७३ हजार ३१६ रुपयांची दुधाची खोटे विक्री दाखवून आर्थिक लाभ घेतल्याप्रकरणी फौजदार चावडी पोलिस ठाण्यात फिर्याद दाखल करण्यात आली आहे. विनायक शिवाजीराव कदम यांनी ही फिर्याद दाखल केली असून सतीश मुळे यांनी २८ जुलै २०२० रोजी चा संचालक मंडळ सभेमध्ये ठराव झालेला नसताना तो झाल्याचे दाखवून खोटे व बनावट रेकॉर्ड तयार केले असेही फिर्यादीत म्हटले आहे. या प्रकरणी सहाय्यक पोलिस निरीक्षक बरडे अधिक तपास करीत आहेत.
