अमरावती जिल्ह्यात लॉकडाउन जाहीर

येस न्युज मराठी नेटवर्क : राज्यात कोरोनाचा जोर पुन्हा वाढल्याचं चित्र असल्यानं सध्या चिंतेचं वातावरण आहे. राज्यात पुन्हा लॉकडाउन लागू होणार की काय अशी चर्चा सुरू असताना अमरावती जिल्ह्यात लॉकडाउन जाहीर करण्यात आला आहे. येत्या रविवारी एक दिवसासाठी संपूर्ण जिल्हा बंद ठेवण्यात येणार आहे. यातून अत्यावश्यक सेवा वगळण्यात आल्या आहेत. ही माहिती अमरावतीचे जिल्हाधिकारी शैलेश नवाल यांनी दिली आहे.