येस न्युज मराठी नेटवर्क ; भाजपचे राज्यसभा खासदार उदयनराजे भोसले यांनी बुधवारी मुख्यमंत्री उद्धव ठाकरे यांची भेट घेतली. वर्षा या शासकीय निवासस्थानी उदयनराजे आणि मुख्यमंत्री यांच्यात भेट झाल्याची माहिती समोर येत आहे. मराठा आरक्षणाचा प्रश्न सोडवण्यासाठी उदयनराजेंनी भेट घेतली असल्याचे बोलले जात आहे.गेल्या काही दिवसांपासून मराठा आरक्षणाचा प्रश्न सोडवण्यासाठी उदयनराजेंनी आक्रमक भूमिका घेतली आहे. या आधीही त्यांनी दिल्लीत शरद पवारांची भेट घेतली असून मराठा आरक्षणाचा प्रश्न सोडवण्यासाठी पवारांनी त्यात लक्ष घालावे, अशी मागणी उदयनराजेंनी केली होती.
