आर्चीला पाहता यावे म्हणून शेकडोंची गर्दी

येस न्युज मराठी नेटवर्क : कोणत्याही कट्टर चाहत्याला आवडत्या सेलिब्रिटीला पाहता येणे हे त्यांच्यासाठी दिवाळी- दसऱ्याहून कमी नसते . त्यातही स्टार सेलिब्रिटींसाठीचे वेड एकीकडे आणि आर्चीसाठीचं चाहत्यांचे वेड दुसरीकडे. रिंकू राजगुरूची एक झलक पाहण्यासाठी आजही शेकडो- हजारांच्या संख्येने लोक जमा होताना दिसतात.नांदेड येथील सारखनी भागातील लेंगी महोत्सवाला रिंकूला खास पाहुणी म्हणून बोलावण्यात आले होते . आता आपल्या गावात आर्ची येणार म्हटल्यावर तिथे उपस्थितांमध्ये एक वेगळीच उर्जा संचारली. तिला पाहण्यासाठी करोनामुळे लादलेली बंधनेही ग्रामस्थांना नकोशी झाली. तिला पाहण्यासाठी महोत्सवात अक्षरशः झुंबड उडाली होती. आयोजकांनाही रिंकूच्या सुरक्षेसाठी अधिक धावपळ करावी लागली.