सोलापूर : जुनी मिल कंपाऊंड मुरारजी पेठ सोलापूर येथील राज मेमोरियल इंग्लिश स्कूल मध्ये आंतरराष्ट्रीय योग दिवस ऑनलाइन पद्धतीने साजरा करण्यात आला .यावेळी सर्वप्रथम शाळेच्या मुख्याध्यापिका सौ. रोहिणी सुरा यांच्या हस्ते कै. तात्यासाहेब कोठे, कै.राजेश कोठे, विद्येची देवता सरस्वती यांच्या प्रतिमेचे पुष्पहार व पूजन करण्यात आले.
त्यानंतर शाळेतील क्रीडा शिक्षक अतुल सोनके व राहुल मुनाळे यांनी शाळेतील मुलांना व पालकांना गुगल मीट या ऑनलाइन माध्यमातून दंड स्थितीतील, बैठक स्थितीतील, शयन स्थितीतील ,विपरीत शयन स्थितीतील, विविध आसने प्राणायाम, ध्यान, घेतले. यावर्षी कोरोना संकट असल्याने, व भारत सरकार आयुष मंत्रालया मार्फत असणाऱ्या Yoga at home & Yoga with family या थीमवर आधारित ऑनलाईन पद्धतीने घेण्यात आले.
सदर योग दिवस दिवशी शाळेतील सर्व शिक्षक व शिक्षकेतर कर्मचारी यांनी आपला सहभाग नोंदविला. शाळेच्या मुख्याध्यापिका यांनी शाळेतील मुलांना व पालकांना योग दिनाचे महत्त्व विषद केले. सदर योग दिन यशस्वी करण्यासाठी संस्थेचे संस्थापक महेश अण्णा कोठे, डॉक्टर राधिका चिल्का, डॉक्टर सूर्यप्रकाश कोठे, देवेंद्र दादा कोठे, प्रथमेश दादा कोठे, प्राध्यापक मिरइसाक शेख ,प्राध्यापक विलास बेत तसेच शाळेच्या मुख्याध्यापिका रोहिणी सुरा यांचे प्रमुख मार्गदर्शन लाभले.
