येस न्युज मराठी नेटवर्क : नेताजी सुभाषचंद्र बोस यांची आज शतकोत्तर रौप्यमहोत्सवी जयंती देशभर साजरी होत आहे. भारतीय जनता पक्षातर्फे आज शनिवारी नेताजी बोस यांच्या जयंतीदिनी पराक्रम दिवस साजरा करण्यात येत आहे.
पश्चिम बंगालच्या मुख्यमंत्री ममता बॅनर्जी या आजच आठ किलो मीटरची पदयात्रा काढून नेताजींचे स्मरण करणार आहेत.23 ऑगस्ट 1997 रोजी कटक येथे जन्म झालेल्या नेताजींचा दुर्दैवी अंत ताइवान येथे 18 ऑगस्ट 1945 रोजी झालेल्या विमान अपघातात झाला होता. अर्थात या विमान अपघाताचे कोणतेही पुरावे अद्याप मिळालेले नाहीत. 1921 ते 1941 या कालावधीत अकरा वेळा कारावास भोगणाऱ्या नेताजींनी 1943 मध्ये पोर्ट ब्लेअर येथे सर्वप्रथम राष्ट्रध्वज फडकावला होता . “तुम मुझे खून दो मैं तुम्हे आजादी दूंगा” ही त्यांची घोषणा ब्रिटिश राजवटीत तरुणांना क्रांती करण्यास उद्युक्त करत होती. आझाद हिंद फौजेची स्थापना करणाऱ्या नेताजी मुळेच भारताला स्वातंत्र्य मिळण्यात सर्व अडथळे दूर झाले अशी मान्यता भारतवासी यांमध्ये आजही आहे.
