महायुती सरकारकडून राज्यात विकासात्मक कामांवर विशेष भर दिला जातोय.गेल्या १० वर्षात भारताचे पंतप्रधान नरेंद्र मोदीजी यांच्या नेतृत्वात राज्याचा सर्वांगीण विकास साधला गेला आहे. कन्ना चौक येथील महात्मा बसवेश्वर पुतळा सुशोभीकरण व परिसर सुशोभीकरणासाठी शिवसेनेचे जिल्हाप्रमुख मनीष काळजे यांनी व आमदार विजयकुमार देशमुख यांनी शासन स्तरावर सुशोभीकरणासाठी निधी खेचून आणण्यासाठी विशेष प्रयत्न केले आणि त्याची मुख्यमंत्री एकनाथ शिंदे यांनी स्वत: दखल घेऊन ४० लाख रु .निधी मंजूर केला. तसेच आमदार विजयकुमार देशमुख व सोलापूर महानरपालिका यांच्या संयुक्तिक निधीतून २५ लाख रु .खर्चून सुशोभीकरणाच्या विकास कामांना शनिवार पासून सुरुवात करण्यात आली.
या सुशोभीकरणाचे उद्घाटन शिवसेनेचे जिल्हाप्रमुख मनीष काळजे व आमदार विजयकुमार देशमुख यांच्या शुभहस्ते शनिवारी जल्लोषपूर्ण वातावरणात पार पडले.
या प्रसंगी मनीष काळजे व आमदार विजयकुमार देशमुख यांचा बसवप्रेमिनी पुष्पगुच्छ व शाल परिधान करून विशेष सत्कार केला.
याप्रसंगी शिवसेनेचे जिल्हाप्रमुख मनीष काळजे,आमदार विजयकुमार देशमुख , मा.नगरसेवक शिवानंद पाटील,अमर पुदाले,नागेश भोगडे,प्रसाद झुंजे यांच्या बसव प्रेमींची मोठ्या संख्येने उपस्थिती होती.
