अमेरिका आणि इराण यांच्यातील युद्धामुळे जग चिंतेत आहे. भारतात याचे मोठे परिणाम दिसू लागले असून गॅस संकट आल्यामुळे अनेक उद्योगधंदे तसेच मोठे हॉटेल्स बंद होण्याच्या मार्गावर आहेत. मात्र या चिंताजनक परिस्थितीच्या पार्श्वभूमीवर भारतासाठी सुखद बातमी असून दोन दिवसांपूर्वी दोन जहाजांना स्ट्रेट ऑफ हॉर्मोज मधून येण्याची परवानगी मिळाल्यानंतर आता तब्बल 22 जहाजांना देखील येथून भारताकडे येण्याची परवानगी मिळाली आहे. यामध्ये तब्बल 92 हजार 70 टन एवढा गॅस आहे. कतार आणि इतर आखाती देशांमधून या जहाजाद्वारे हा गॅस आणला जात असल्याची माहिती जलमार्ग मंत्रालयाची विशेष सचिव राजेश कुमार सिंह यांनी दिली. येत्या चार ते पाच दिवसात ही जहाजे भारतीय बंदरामध्ये पोहोचणार आहेत . भारताचा ध्वज लावलेली जहाजे स्ट्रेट ऑफ होर्मोझ मधून ग्रीन सिग्नल मिळाल्यामुळे भारतातील गॅस टंचाई लवकरच कमी होईल असा अंदाज आहे.
TOP 25 | गॅस टंचाई कमी होणार ? 22 जहाजे स्ट्रेट ऑफ होर्मुझ मधून निघाली…!
