सोलापूर डीसीसी बँकेवर 2018 पासून प्रशासक आहे. गेल्या वर्षी अतिवृष्टीमुळे आणि त्यानंतर स्थानिक स्वराज्य संस्थांच्या निवडणुकीच्या पार्श्वभूमीवर राज्यातील सहकारी संस्थांच्या निवडणुका पुढे ढकलण्यात आल्या होत्या. आता या निवडणुका घेण्यासंदर्भात राज्य सहकारी संस्था निवडणूक प्राधिकरणाने आदेश दिले आहेत. त्यामुळे त्या दोन महिन्यात 11 हजार सहकारी संस्थांच्या निवडणुकांच्या होणार आहेत. त्यामुळे आता सोलापूर डीसीसी बँकेला देखील निवडणुकीचे वेध लागले आहेत.बड्या थकबाकीदारांमुळे सुमारे 238 कोटी रुपयांचे आर्थिक नुकसान झाल्याचा ठपका ठेवण्यात आला आहे. अनियमित कर्जवाटप प्रकरणी 32 माजी संचालक मंडळ व संबंधित अधिकाऱ्यांकडून रकमेची वसुलीचे आदेश देण्यात आले आहेत. या प्रकरणात विजयसिंह मोहिते पाटील,दिलीप सोपल यांच्यासह अनेक माजी संचालकांची नावे चर्चेत आली आहेत. हायकोर्टाने देखील चौकशी पूर्ण करून जबाबदारी निश्चित करा असे आदेश सहकार विभागाला दिलेत. मात्र सहकार मंत्री याकडे दुर्लक्ष करीत आहेत. आता थकबाकीदार असलेल्या संचालकांना निवडणुकीला उभे राहता येणार नाही त्यामुळे यंदाची डीसीसी बँकेची निवडणूक चांगलीच गाजणार असे दिसते.
TOP 25 । कर्ज बुडव्यांचे काय..? डीसीसी बँकेची लवकरच लागणार निवडणूक…!
