सोलापूर (दि. 11) हनगल श्रीकुमार शिवयोगींच्या – जीवनावर आधारीत विराटपूर विरागी या चित्रपटाचा प्रिमियर शो गुरूवार दि. 12 जानेवारी रोजी प्रभात थिएटरमध्ये होणार असून रेग्युलर शो दररोज सायं. 6 वाजता ई-स्क्वेअर चित्रपटगृहात सुरू राहणार असल्याची माहिती सिध्देश्‍वर किणगी आणि डॉ. शरणबसप्पा दामा यांनी दिली.-
सामाजिक समता वचन साहित्य निर्मिती, अंध, अपंग व्यक्तींना तसेच स्त्रीयांना संगीत व शिक्षण देवून वीरशैव महासभेची स्थापना तसेच शिवयोग मंदिराची स्थापना, ताडपत्रावरच शिवशरणांच्या वचनांचा संग्रह, असा परिचय असलेले हनगल श्री गुरू कुमार शिवयोगीजी यांचे जीवन चरित्र जगभरातील लोकांपर्यत पोहोचावे आणि लोकांना मार्गदर्शक व्हावे म्हणून मौनतपस्वी श्री जडेय शांतलिंग महास्वामीजींच्या कृपाशिर्वादाने गुरूदेव सेवा संस्था संचलित समाधान केंद्रानं चित्रपट तयार केला आहे. हा चित्रपट दि. 13 जानेवारी पासून सर्वत्र प्रदर्शित होणार आहे.
