सोलापूर : सुप्रसिद्ध कला दिग्दर्शक नितीन देसाई यांच्या एनडीज स्टुडिओ या कला दालनांमध्ये सुरु असलेल्या आंतरराष्ट्रीय चित्रकार सचिन खरात यांच्या चित्रांच्या प्रदर्शनाला महसूल मंत्री बाळासाहेब थोरात, कलादिग्दर्शक नितीन देसाई यांच्यासह मान्यवरांनी भेट दिली. या प्रदर्शनात सोलापूरचे युवा चित्रकार सचिन खरात यांच्यावर कौतुकाची थाप दिली.
देसाई यांच्या स्टुडिओमध्ये 28 एप्रिल ते 1 मे या दरम्यान चित्र प्रदर्शन सुरू आहे. या प्रदर्शनात देशातील दिग्गज कलावंतांची चित्रे, शिल्पकृती लावण्यात आली आहेत. सोलापूरचे युवा चित्रकार सचिन खरात यांचीही स्लीपिंग बुद्ध आणि विविध चित्रे लावण्यात आली आहे. दिग्गज लोकांना सचिनच्या कलाकृतींनी भुरळ घातली. :
