सोलापूर- सध्या सोलापूर जिल्ह्यात करोना ची बिकट परिस्थिती ओढावली आहे.संपूर्ण आरोग्य यंत्रणा ही पूर्ण क्षमतेने कार्यरत असून देखील बऱ्याच समस्यांना सामोरे जावे लागत आहे, करोना रुग्णांनाने आण करण्यासाठी ऍम्ब्युलन्स चा मोठा तुटवडा लक्षात घेऊन कोविड पॉझिटिव्ह पेशंट ची वाहतूक करण्यासाठी वाहनांची गरज जिल्हा प्रशासनास होती, याला सोलापूर सिंहगड इन्स्टिट्यूटचे सहसचिव व कॅम्पस डायरेक्टर संजय नवले यांनी सकारात्मक प्रतिसाद देत सांगोला तालुक्यातील रुग्णांची मोफतने आण करण्यासाठी चार चाकी व्हॅन जिल्हाधिकारी मिलिंद शंभरकर यांच्याकडे सुपूर्द केली. सांगोला तालुका तहसील प्रशासनाच्या समन्वयाने ही सेवा राबवली जाणार आहे. यावेळी जिल्हाधिकारी श्री.मिलिंद शंभरकर यांनी संजय नवले यांच्या पुढाकारातून सुरू केलेल्या या उपक्रमाचे कौतुक केले व जिल्हा प्रशासनाच्या वतीने आभार मानले.
यावेळी निवासी उपजिल्हाधिकारी भारत वाघमारे, सांगोल्याचे तहसीलदार डॉ.अभिजित पाटील, डॉ. दत्ता नवले,जिल्हाधिकारी कार्यालयातील अधिकारी व कर्मचारी, यावेळी उपस्थित होते. सांगोला तालुक्यातील कोविड रुग्णांनी या व्हॅन चा जास्तीत जास्त लाभ घ्यावा असे आवाहन संजय नवले यावेळी केले.
