सोलापुरातील नामवंत युनायटेड क्रिकेट क्लबने बारा वर्षाखालील मुलांचे मास्टर क्रिकेट स्पर्धेमध्ये उपविजेतेपद मिळवले आहे. तसेच 19 वर्षाखालील मुलांनी पै. नजीर शेख चषक स्पर्धेत विजेचे पद मिळवले आहे.
यासाठी युनायटेड क्रिकेट क्लबचे ज्येष्ठ खेळाडू श्री विक्रांत पवार यांनी मुलांचे कौतुक करण्यासाठी मुलांना स्पोर्ट्स जर्सी त्यांच्यातर्फे दिली आहे. या कार्यक्रमाचे अध्यक्ष श्री. के.टी. पवार होते. क्लबचे उपाध्यक्ष तसेच सोलापूर जिल्हा क्रिकेट असोसिएशनचे सचिव चंद्रकांत रेंबरसो, सोलापूर जिल्हा क्रिकेट असोसिएशनचे खजिनदार संतोष बडवे तसेच युनायटेड क्रिकेट क्लबचे सचिव श्री. सुनील मालप, युनायटेड क्रिकेट क्लबचे प्रशिक्षक श्री चंद्रकांत लोखंडे व खेळाडूचे पालक श्री सुनील शिंदे हे उपस्थित होते.
कार्यक्रमाचे सूत्रसंचालन विक्रांत पवार यांनी केले.सोलापूर येथील इंदिरा गांधी स्टेडियम येथे युनायटेड क्रिकेट क्लबचा नियमित सराव सकाळी व दुपारी दोन वेळेस सुरू असून सकाळच्या सत्रात श्री संजय मोरे सर व दुपारच्या सत्रात श्री चंद्रकांत लोखंडे सर हे सराव घेत असतात. उन्हाळी प्रशिक्षण शिबिर 1 एप्रिल 2026 पासून सुरू होणार आहे.
