सोलापूर (शिवानंद जाधव) : अक्कलकोट तालुक्यामधील पितापुर हे हरणा नदी काठी वसलेले गाव. ऑगस्ट २०२२ साली या ठिकाणी मुसळधार पाऊस झाला. यामुळे पितापुर या गावात मयत झालेल्या एका व्यक्तीची अंत्ययात्रा हरणा नदीतून पलीकडे नेण्यात आली.या घटनेची बातमी वाऱ्यासारखी सर्वत्र पसरली होती. सर्वत्र त्या व्हिडिओची चर्चा होऊ लागली. या ठिकाणी पूल व्हावा अशी गावकऱ्यांची मागणी खुप दिवसापासून होती. अखेर ती मागणी प्रशासनाने पूर्ण केली.आणि शासनाने पूल बांधण्याचा विचार केला. अखेर हा पूल आता तयार झाला आहे. हरणा नदीवरील नवीन पुलावरून आता वाहतूक सुरू झाली आहे. त्यामुळे गावातील ग्रामस्थांन मध्ये आनंदाचे वातावरण आहे.
