टोकियो: ऑस्ट्रेलियाची महिला जलतरणपटू एम्मा मॅककॉनने टोकियो ऑलिम्पिकमध्ये धम्माल केली. एका ऑलिम्पिक स्पर्धेत सात पदक जिंकणारी ती जगातील पहिली महिला जलतरणपटू ठरली आहे. टोकियो ऑलिम्पिकधमध्ये सांघिक प्रकारात सुवर्णपदक जिंकताच एम्माने हा विक्रम स्वत:च्या नावावर केला.टोकियो ऑलिम्पिकमध्ये एम्माने ४ सुवर्णसह ७ पदक जिंकली आहेत. पुरुषांमध्ये याआधी अशी कामगिरी करण्यात आली आहे. आजवर कोणत्याही महिला खेळाडूला असे करता आले नव्हते.
पुरुषांमध्ये मायकल फेल्प्स, मार्क स्पिट्ज आणि मॅट बियोन्डी यांनी एका ऑलिम्पिकमध्ये सात पदक जिंकली आहेत. अमेरिकेच्या मायकल फेल्प्सने एकाच ऑलिम्पिकमध्ये सात सुवर्णपदक जिंकण्याचा अनोखा विक्रम केला आहे.
महिलांमध्ये एकाच ऑलिम्पिकमध्ये सात पदक जिंकणारी ती दुसरी अॅथलीट आहे. याआधी १९५२च्या ऑलिम्पिकमध्ये अशी कामगिरी जिमनॅस्टीकमध्ये रशियाच्या मारिया गोरोखोव्स्कायाने केली होती.टोकियो ऑलिम्पिकमध्ये ऑस्ट्रेलियाच्या जलतरण संघाची कामगिरी शानदार झाली. त्यांनी ५० मीटर फ्रीस्टाइलमध्ये २३.८१ वेळेसह गोल्ड जिंकले. त्याआधी १०० मीटर फ्रीस्टाइलमध्ये गोल्ड जिंकले होते. या कामगिरीने एम्माचे सोशल मीडियावर कौतुक होत आहे.
