सोलापूर । प्रणिती सुशीलकुमार शिंदे असे नाव असणाऱ्या युवती व महिलांना सोन्याची नथ आणि फक्त नाव प्रणिती आहे अशांना पैठणी दिली जाणार आहे. हा कार्यक्रम सोलापूर शहरच्या आमदार प्रणिती शिंदे यांच्या वाढदिवसानिमित्त ९ डिसेंबर रोजी सायंकाळी ६ वाजता मौलाली चौक येथील प्रणिती उद्यानात आयोजित करण्यात आला आहे, अशी माहिती यशदा युवती फाउंडेशनच्या संस्थापिका तथा नगरसेविका फिरदोस पटेल यांनी दिली.
हा कार्यक्रम आमदार प्रणिती शिंदे यांच्या वाढदिवसानिमित्त आयोजित करण्यात आला आहे. असे नाव असणाऱ्या युवती, महिलांचा विविध मान्यवरांच्या उपस्थितीत सत्कार करण्यात येणार आहे. कार्यक्रमासाठी प्रणिती सुशीलकुमार शिंदे आणि प्रणिती नाव असणाऱ्या महिला व युवतींनी नावाचा पुरावा म्हणून आधारकार्ड आणि रेशनकार्ड सोबत आणावे, असे नगरसेविका फिरदोस पटेल यांनी आवाहन केले आहे. सहभाग घेण्यासाठी शौकत पठाण ९८२२२७०२२२ या आणि नगरसेविका फिरदोस पटेल यांच्या ९५६११११११० या मोबाईल क्रमांकावर संपर्क साधावा, असे आवाहन करण्यात आले आहे.
