सोलापूर : सोलापूर महापालिकेच्या मालकीचे असणारे आणि शहराच्या अगदी प्राईम लोकेशन वर असलेले पार्क स्टेडियम मधील गाळे पुन्हा चर्चेला आले आहे. सोलापूर महापालिकेने पार्क स्टेडियममधील गाळ्यांना सील केले आहेत. याठिकाणी वर्षानुवर्ष महापालिका कवडीमोड भाडे आकारत होते. गाळेधारकांनी मनमानी पद्धतीने अतिक्रमण केलं… स्टेडियमची मोडतोड केली… गाळे पोट भाड्याने दिले .. लाखो रुपये किमतीला दुसऱ्यांना परस्पर विकले… अनेकांची लाखो रुपयांची थकबाकी आहे…
अनेकांनी पोर्चमध्ये अतिक्रमण केली शिवाय 2019 साली या गाळ्यांची मुदत देखील संपली. दोन दिवसापूर्वी महापालिकेनं अवघे तीन ते चार हजार रुपये भाडे असलेल्या या गाळेधारकांना दरमहा सुमारे अकरा हजार रुपये भाडे करण्याबाबत नोटीस पाठवली यामुळे या गाळेधारकांनी आता थयथयाट सुरू केला आहे. आज पासून गाळे बंद ठेवण्याचा निर्णय घेतला आहे. या ठिकाणी महापालिकेचे 59 गाळे असून भल्या मोठ्या गाळ्यांना आजवर अवघे तीन ते चार हजार रुपये एवढे कमी भाडे आहे. त्यामुळे महापालिका आयुक्त पी शिवशंकर यांच्याकडे विकास कामाबाबत पाठपुरावा करणाऱ्या अनेक पदाधिकाऱ्यांनी स्वतःच्या गाळे भाडेवाडी बाबत मात्र आयुक्तांच्या विरोधात पंगा घेतला आहे
