येस न्युज मराठी नेटवर्क : श्री सिद्धेश्वर प्रभात शाखेतर्फे रथसप्तमी निमित्त व स्वातंत्र्यच्या अमृत महोत्सवी वर्षा निमित्त तसेच जागतिक सूर्यनमस्कार दीना निमित्त संपूर्ण परिसरात म्हणजे खंदक बागेमध्ये मंगळवारी सकाळी ७.३० वाजता सूर्य नमस्कार घालण्यात आले. एकूण २६० जणांनी वेगवेगळ्या प्लॉट मध्ये उभे राहून एकत्रित 3380 सूर्य नमस्कार घातले.
यावेळी प्रांत मंडळ सदस्य ज्ञानेश्वरजी म्याकल , प्रांत शारीरिक सह प्रमुख निलेशजी भंडारी,सोलापूर जिल्हा शारीरिक प्रमुख वेंकटेशजी कैंची व क्रीडा भारती चे सदस्य सुधीरजी देव यांची प्रमुख उपस्थिती होती.
भारत मातेच्या प्रतीमेचे पूजन करून कार्यक्रमाची सुरुवात झाली . सुरवातीस भारत रत्न स्व.लता मंगेशकर यांना दोन मिनिटं मौन राहून भावपूर्ण श्रद्धांजली दिली. ज्ञानेश्वर म्याकल यांनी सूर्य नमस्कार का घालावेत या विषयावर आपले विचार मांडले व वेंकटेश कैंची यांनी सुर्यनारायणाच्या आराधना सहित
सूर्य नमस्कार करून घेतले. सूत्र संचलन व आभार प्रदर्शन बाबूलाल वर्मा यांनी केले.
या उपक्रमास हराळी प्लॉट योगासन मंडळ व इतर सर्व नागरिक बंधूंचे सहकार्य लाभले.
