योग साधना मंडळातर्फे योग दिन साजरा
सोलापूर : योगसाधनेमुळे एच मन सेट होते , असे प्रतिपादन ज्येष्ठ नागरिक संघाचे माजी अध्यक्ष आप्पा कन्नुरकर यांनी सोमवारी सेवासदन प्रशालेतील योगसाधना मंडळाच्या कार्यक्रमात बोलताना स्पष्ट केले. आज सर्वांकडे सोफासेट आहे टीव्ही सेट आहे, पण मन मात्र अपसेट आहे . कन्नुरकर म्हणाले की, योगसाधना केल्याने सर्व स्नायूंना समतोल व्यायाम मिळतो, म्हणूनच दररोज शरीरासाठी किमान एक तास योगसाधना करायला हवी. योगसाधना मंडळाने सातवा आंतरराष्ट्रीय योग दिन सेवासदन प्रशालेत साजरा केला. यावेळी कन्नुरकर यांच्या हस्ते ओंकार प्रतिमेचे पूजन करण्यात आले. मंडळाचे अध्यक्ष बाबुशेठ सोनी , डॉक्टर विद्याताई देशपांडे , मीनाताई देशपांडे, अन्नपूर्णा स्वामी, उमा झिंगाडे, मंडळाचे कार्याध्यक्ष नागनाथ पाटील , नंदकुमार कुवळेकर,अशोक गरड , डॉक्टर साखरे आदी सदस्य उपस्थित होते.
