नवी दिल्ली, : इंदोर येथील पीथपूरमध्ये जगातील पाचवा आणि आशियातील सर्वात लांब हाय स्पीड कार टेस्टिंग ट्रॅक तयार करण्यात आला आहे. या ट्रॅकची निर्मिती कारचा स्पीड चेक करण्यासाठी करण्यात आली आहे. इथे कोणतीही कार 350 किमी ताशी या वेगात धावू शकते. या ट्रॅकची विशेष बाब म्हणजे, वळण असले तरी कार 308 किमी ताशी वेगाने सहजपणे वळवता येऊ शकते.
हा टेस्टिंग ट्रॅक एकूण 2960 एकरात बनवण्यात आला आहे. इथे देशातील ऑटो मोबाईल इंडस्ट्री आपल्या वाहनांचा स्पीड तपासू शकतील.इथे 14 प्रकारचे टेस्टिंग ट्रॅक आहेत. टू-व्हिलर, कारसह इतर कमर्शिअल वाहनांचे टेस्टिंगही इथे होईल. 11.3 किमी लांबीचा हा ट्रॅक 16 मीटर रुंद आहे. सपाट, ओबड-धोबड, खडकाळ, अरुंद, घुमटाकार ट्रॅकवर वाहनांचे टेस्टिंग घेतले जाईल. त्यानंतरच त्या कारला मंजुरी मिळेल. याचा आकार अंडाकृती आहे. जर्मनी, अमेरिका, इटलीमध्येही अशाप्रकारेच रेसिंग टेस्टिंग ट्रॅक आहेत.2960 एकरात असलेला हा हाय स्पीड कार टेस्टिंग ट्रॅक बनवण्यासाठी 3 वर्षांचा कालावधी लागला. ज्यात जवळपास 800 मजूर आणि इंजिनिअर्सनी आपलं योगदान दिलं आहे. हा आशियातील सर्वात लांब टेस्टिंग ट्रॅक बनवण्यासाठी एकूण 512 कोटी रुपये खर्च आला आहे.
