शाळेचा पहिला दिवस स्वागत समारंभ या कार्यक्रमाला प्रमुख पाहुणे म्हणून संस्था सदस्या डॉक्टर राधिकाताई चिलका शालेय समितीचे अध्यक्षा .सुरेखा रंगसिद्ध हाके, सदस्या मैना शिंदे ,प्रशालेचे मुख्याध्यापक वासुदेव इप्पलपल्ली ,प्राथमिक विभागाच्या मुख्याध्यापिका तनुजा मारपल्ली पर्यवेक्षक सतीश मल्लाव ज्युनिअर विभाग प्रमुख नवनाथ व्हटकर हे लाभले.
प्रमुख पाहुण्यांच्या हस्ते विद्येची देवता माता सरस्वती आणि संस्थेचे आधारस्तंभ स्वर्गीय विष्णुपंत तात्यासाहेब कोठे यांच्या प्रतिमा पूजन करून कार्यक्रमाची सुरुवात झाली.
याप्रसंगी विद्यार्थ्यांचे गुलाब पुष्प देऊन व औक्षण करून स्वागत करण्यात आले. त्यानंतर प्रशालेच्या शिक्षिका .राखी कोंगारी व्हटकर
यांनी इयत्ता 10 वी ,इयत्ता 12वी बोर्ड परीक्षेत उत्तीर्ण झालेल्या विद्यार्थ्यांचे माहिती देऊन अभिनंदन केले. त्याचबरोबर एटीएस परीक्षेत यशस्वी झालेल्या विद्यार्थ्याचे पाहुण्यांचे हस्ते वह्या आणि पुस्तके देऊन सत्कार करण्यात आला .
या कार्यक्रमाचे आकर्षण म्हणजे टांगा. या टांग्यामधून बाल विद्यार्थ्यांनी फिरण्याचा आनंद घेतला . या उपक्रमाचा विद्यार्थ्यांनी मनसोक्त आनंद घेतला .विद्यार्थ्यांचा उत्साह बघण्यासारखा होता.
या कार्यक्रमाचे सूत्रसंचालन दत्तात्रय नरुटे यांनी केले तर आभार गीता गोटीपामुल यांनी मानले .
या कार्यक्रमाला सर्व शिक्षक वृंद विद्यार्थी पालक मोठ्या संख्येने उपस्थित होते.
