येस न्युज मराठी नेटवर्क : पुण्यातील प्रसिद्ध नेत्ररोग तज्ज्ञ डॉ. सुबिर सुधीर रॉय हे प्रभात रोडवरील त्यांच्या फ्लॅटमध्ये मृतावस्थेत आढळले. शनिवारी सकाळी ही घटना उघडकीस आली. तर त्यांची बहीण गितिका यांचा त्याच दिवशी दुपारी ससून रुग्णालयात मृत्यू झाला. रॉय यांचा कोरोना चाचणीचा अहवाल पॉझिटिव्ह आला होता, अशी माहिती आहे.
डेक्कन जिमखाना पोलीस ठाण्यातील उपनिरीक्षक संदीप जाधव यांना रॉय यांच्या नातेवाइकांनी दिलेल्या माहितीनुसार, रॉय यांचे येरवडा आणि विश्रांतवाडी या ठिकाणी क्लिनिक होते. ते गितिका आणि त्यांचा भाऊ संजय (वय ६०) यांच्यासोबत राहात होते. ते दोघेही अविवाहित होते. डॉ. रॉय हे मानसिक आजाराने ग्रस्त असलेल्या आपल्या भावंडांची काळजी घेत होते. डॉ. राय आणि त्यांची बहीण गितिका यांच्या कोरोना चाचणीचा अहवाल पॉझिटिव्ह आला आहे.
