येस न्युज मराठी नेटवर्क : ‘कारभारी लयभारी’मधील अभिनेत्रीला मुंबईतील रस्त्यावर काही लोकांनी मारहाण केल्याचा धक्कादायक प्रकार घडला आहे.‘कारभारी लयभारी’ मालिकेत गंगा रोजच्या प्रमाणे चित्रीकरण संपवून घरी जायला निघाली होती. नेहमी प्रमाणे ती बसस्टॉपवर बसची वाट पाहात बसली होती. दरम्यान काही लोक तेथे आले आणि त्यांनी तिला विनाकारण मारहाण करायला सुरुवात केली. गंगा कशीबशी रिक्षा पकडून तेथून घरी पोहोचली. रिक्षामध्ये बसल्यानंतर तिने रडतरडत हा व्हिडीओ शूट केला आहे. गंगा ही एक ट्रान्सजेंडर असून तिचे खरे नाव प्रविण हाटे आहे. ती सध्या कारभारी लयभारी या मालिकेत गंगा ही भूमिका साकारत आहे. गंगाचा इथपर्यंतचा प्रवास अतिशय कठिण होता.
