फॅब्रिक फेअर – २०२२ चे १० आणि ११ जानेवारीला आयोजन
सोलापूर, ( प्रतिनिधी );- मुंबई टेक्सटाईल मर्चंट्स महाजन (एमटीएमएम) या १८८१ साली स्थापित संघटनेने मुंबईतील सर्वात मोठा बी२बी व्यापार मेळा “एमटीएमएम फॅब्रिक फेअर – २०२२”चे येत्या १० आणि ११ जानेवारी २०२२ रोजी सफायर बँक्वेट हॉल, हॉटेल सहारा स्टार, विले पार्ले (पूर्व), मुंबई येथे आयोजित केला आहे.एमएसएमई उद्योगांतील सर्व सहभागी व अभ्यागतांना एमएसएमईबद्दल मार्गदर्शन व माहिती दिली जाणार आहे.
मुंबई टेक्सटाईल मर्चंट्स महाजनचे मानद अध्यक्ष धीरज कोठारी यांनी सांगितले की, या कापड मेळाव्यात फॉर्मल, कॅज्युअल, एथनिक, किड्स वेअर, युनिफॉर्म फॅब्रिक्स, शर्टिंग, सूटिंग, ड्रेस मटेरियल, इंटरलाइनिंग, बनारसी फॅब्रिक, टेन्सेल, एम्ब्रॉयडरी केलेले कापड, हाताने रंगवलेले कपडे आणि रंगकाम करण्यायोग्य कापडाची विस्तृत श्रेणी प्रदर्शित केली जाणार आहे. महिलांचे वेस्टर्न वेअरसाठी वापरात येणारे कापड, फॅन्सी जॅकार्ड्स, फॅन्सी दुपट्टा, प्युअर लिनेन, लाइक्रा, कुर्तीसाठी उपयुक्त कापड इ. याशिवाय कॉटन, पॉलिएस्टर, ब्लेंडेड, प्युअर सिल्क, आर्ट सिल्क आणि निटवेअर कापडाची विस्तृत श्रेणी येथे मांडली जाईल. या कापड मेळाव्यामध्ये कम्पोझिट मिल्स, आर्ट सिल्क मिल्स, वुलन मिल्स, यंत्रमाग (पॉवर लूम), हातमाग (हॅण्डलूम) क्षेत्रातून निर्मित तसेच आयात कापड देखील प्रदर्शित केले जाईल. बांबू, टेन्सेल फॅब्रिक्स आणि इतर मूल्यवर्धित कापड यांसारखे नवीन शोधलेले तंतू आणि धागे देखील प्रदर्शित केले जातील. डिजिटल, ब्लॉक, स्क्रीन, रोटरी यांसारख्या विशेष श्रेणीसह छपाई केलेले कापड देखील प्रदर्शन पाहण्यासाठी येणाऱ्यांना आकर्षित करतील. नाविन्यपूर्ण प्रकारांसह नवीन शैली, नमुने, रंगसंगती असणारी कापडाची श्रेणी येथे असेल.
एमटीएमएमचे सचिव सुनील जे. मजीठिया आणि मेळावा आयोजन समितीचे निमंत्रक भावेश गोराडिया यांच्या मते, कापड मेळाव्याचा उद्देश मुंबईच्या कापड बाजारांचे विशेषत: ‘सी’ प्रभागाचे हरवलेले वैभव परत मिळवून देणे हा आहे. मुंबई पालिकेच्या या ‘सी’ प्रभागामध्ये १५,००० कापड व्यापाऱ्यांसह १० लहान-मोठ्या कापड बाजारपेठा आहेत. दोन दशकांपूर्वी जेव्हा कम्पोझिट मिल्स पूर्ण बहरात होत्या तेव्हा मुंबई हे कापडाचे उत्पादन आणि व्यापाराचे केंद्रस्थान होते. मात्र येथील कम्पोझिट मिल्सचे हे युग अस्त पावले आणि त्यानंतर, सुरत हे क्रमांक एकचे टेक्सटाईल हब बनले आणि अहमदाबाद दुसऱ्या क्रमांकावरत, तर मुंबईचे स्थान आता तिसऱ्या क्रमांकावर ढकलले गेले आहे. तथापि, अजूनही फॅशन आणि मूल्यवर्धित कापडांचे जन्मस्थान म्हणून मुंबई ओळखली जाते. याशिवाय, सात लाख यंत्रमागांसह भारतातील क्रमांक एकचे यंत्रमाग केंद्र भिवंडी हे मुंबईच्या अगदी जवळ आहे.
हा बी२बी कापड मेळा व्यापारी, वस्त्र उत्पादक, किरकोळ विक्रेते, फॅशन डिझायनर, एजंट हाऊस, आयातदार-निर्यातदार, दलाल, टेलर – वस्त्र रचनाकार, फॅशन बुटीक इत्यादींसाठी विनामूल्य (नोंदणी मात्र अनिवार्य आहे) खुला राहील. पूर्वनोंदणी केल्याशिवाय मेळ्यात प्रवेश दिला जाणार नाही.
हा बी२बी कापड मेळा व्यापारी, वस्त्र उत्पादक, किरकोळ विक्रेते, फॅशन डिझायनर, एजंट हाऊस, आयातदार-निर्यातदार, दलाल, टेलर – वस्त्र रचनाकार, फॅशन बुटीक इत्यादींसाठी विनामूल्य (नोंदणी मात्र अनिवार्य आहे) खुला राहील. पूर्वनोंदणी केल्याशिवाय मेळ्यात प्रवेश दिला जाणार नाही. हा व्यापार ते व्यापार (बी२बी) धाटणीचा मेळा असल्याने सामान्य लोकांना आणि कोणत्याही रिटेलरला या मेळ्यात प्रवेशाला परवानगी दिली जाणार नाही. या विशेष मेळाव्याला बाहेरून मोठ्या संख्येने व्यापारी येण्याची अपेक्षा आहे.