लॉस एंजिल्स : जगप्रसिद्ध गोल्फ खेळाडू टायगर वूड्सचा भीषण अपघात झाला. भरधाव कार अपघातात टायगर वूड्स गंभीर जखमी झाला. लॉस एंजिल्सजवळ मंगळवारी ही दुर्घटना घडली. सध्या टायगर वूड्सला रुग्णालयात दाखल करण्यात आलं आहे. 48 वर्षीय वूड्सच्या पायाला गंभीर दुखापत झाली आहे. भीषण अपघातातून तो बालंबाल बचावला.
मिळालेल्या माहितीनुसार, गोल्फर टायगर वूड्स स्वत: कार चालवत होता. वूड्स हा हॉथोर्न बुलेवार्डकडे वेगाने जात होता. त्यावेळी गाडीवर नियंत्रण सुटल्याने, कार थेट डिव्हायडरला धडकली. वूड्सला जेव्हा गाडीतून बाहेर काढलं, त्यावेळी तो रक्तबंबाळ झाला होता. त्याच्या शरिरावर अनेक जखमा झाल्या होत्या.
