सांगली( सुधीर गोखले); प्रत्येकाच्या जीवनातील प्रत्येकाच्या शैक्षणिक करियर ची सुरुवात असलेली महत्वाची अशी इयत्ता दहावीची पुरवणी परीक्षांचे वेळापत्रक जाहीर झाले असून राज्य मंडळाच्या सचिव अनुराधा ओक यांनी ही माहिती दिली. लेखी पुरवणी परीक्षा पुणे, नागपूर, औरंगाबाद, मुंबई, कोल्हापूर, अमरावती, नाशिक, लातूर व कोकण या नऊ विभागीय मंडळामार्फत घेण्यात येईल. बारावीची सर्वसाधारण आणि द्विलक्षी विषयांची परीक्षा १८ जुलै ते ८ ऑगस्ट या कालावधीत होईल. तर व्यवसाय अभ्यासक्रमांची परीक्षा १८ जुलै ते ५ ऑगस्ट या कालावधीत होईल. तर दहावीची परीक्षा १८ जुलै ते १ ऑगस्ट यादरम्यान होईल. दहावीची प्रात्यक्षिक, श्रेणी, तोंडी व अंतर्गत मूल्यमापन परीक्षाही १८ जुलैपासून सुरू होणार आहेत. बारावीच्या प्रात्यक्षिक, श्रेणी, तोंडी व अंतर्गत मूल्यमापन परीक्षा १८ जुलै ते ५ ऑगस्टदरम्यान होईल. परीक्षेचे सविस्तर वेळापत्रक मंडळाच्या www.mahahsscboard.in या संकेतस्थळावर उपलब्ध करून देण्यात आलेले आहे. मंडळाच्या संकेतस्थळावरील वेळापत्रकांची सुविधा ही फक्त माहितीसाठी आहे. परीक्षेपूर्वी माध्यमिक शाळा, उच्च माध्यमिक शाळा, कनिष्ठ महाविद्यालयाकडे छापील स्वरूपात देण्यात येणारे वेळापत्रक अंतिम असेल. त्या छापील वेळापत्रकावरून परीक्षेच्या तारखांची खात्री करून घेऊन विद्यार्थ्यांनी परीक्षेस प्रविष्ठ व्हावे. अन्य संकेतस्थळावरील किंवा अन्य यंत्रणेने छपाई केलेले तसेच व्हाट्सअँप किंवा तत्सम माध्यमातील वेळापत्रक ग्राह्य धरू नये, असे आवाहन ओक यांनी केले. जिल्ह्यातील विविध शाळांमधून या परीक्षांची तयारी पूर्ण झाली असून मिरजेतील विद्यामंदिर प्रशाला, ज्युबिली कन्याशाळा आणि इतर शाळांमधून या परीक्षांसाठी विशेष लक्ष दिले जात आहे केंद्र संचालक ग व कुलकर्णी यांनी सांगलीतले या परीक्षांची तयारी आम्ही पूर्ण केली असून आमच्या केंद्र क्रमांक २२०५ मध्ये परीक्षा क्र F000959 ते F0001122 पर्यंत बैठक व्यवस्था करण्यात आली आहे सुरक्षेच्या दृष्टीने उपायोजना राबवल्या गेल्या आहेत विद्यार्थी विद्यार्थिनींना कोणत्याही प्रकारची अडचण येणार नाही यासाठी विशेष खबरदारी आम्ही घेतली आहे.
