नॅशनल इंटिग्रेटेड मेडिकल असोसिएशन निमा व निफा यांच्या संयुक्त विद्यमानाने देशभरामध्ये सर्वत्र संवेदना टू झिरो या नावाने ब्लड डोनेशन कॅम्प आयोजित करण्यात आले आहेत.
सोलापुरात एकूण 13 ठिकाणी ब्लड डोनेशन कॅम्प सुरू असून नागरिकांनी याला चांगला प्रतिसाद दिला आहे.
बाळे येथील महादेव मंदिरामध्ये डॉक्टर ननवरे व त्यांचे सहकारी यांच्या प्रयत्नातून आयोजित रक्तदान शिबिराला चांगला प्रतिसाद मिळाला आहे. दुपारपर्यंत 68 रक्तदात्यांनी रक्तदान केले आहे.
सदर शिबिराचे उद्घाटन शतक वीर रक्तदाता अशोक नावरे यांच्या हस्ते करण्यात आले. या उद्घाटनास प्रमुख उपस्थिती म्हणून सोलापूर निमा शाखेचे प्रमुख डॉक्टर नागनाथ जिद्दीमनी सचिव डॉक्टर अभिजीत पुजारी प्रोजेक्ट हेड डॉक्टर नितीन बलदवा डॉक्टर रमाकांत आयचीत ब्लड बँक डॉक्टर ज्ञानेश्वर पवार उपस्थित होते.
