येस न्युज मराठी नेटवर्क : नागपूर नवीन कामठी पोलिस ठाणे हद्दीमधील कामठी- कन्हान मार्गावरील ऑफिसर मेस परिसरामध्ये सैनिकाने गळफास लावून आत्महत्या (self-slaughter) केल्याची धक्कादायक घटना सकाळी ८ वाजताच्या सुमारास उघडकीस आली आहे. विवेककुमार अखीलेश राय (वय-२७) असे मृत सैनिकाचे नाव आहे.
नवीन कामठी पोलिसांनी दिलेल्या माहितीनुसार कामठी येथील सैनिक प्रशिक्षण केंद्रातील ४१४ कन्टोनमेंट ऑफिसर मेस परिसरात ६ महिन्यांपूर्वी सैनिक प्रशिक्षणाकरिता आलेले विवेककुमार अखिलेश राय (२७, बोरबायस, संत कबीर नगर, उत्तर प्रदेश) याने आज सकाळी ६ वाजेच्या सुमारास ऑफिसर मेस परिसरात कडूलिंबाच्या झाडाला नायलॉन दोराने गळफास लावल्याची धक्कादायक घटना सीसीटीव्ही कॅमेऱ्यात दिसून आली आहे. लगेच इतर सैनिकांनी या घटनेची माहिती वरिष्ठ अधिकाऱ्यांना दिली असता वरिष्ठ अधिकाऱ्यांनी मृतदेह खाली उतरवून कामठी उपजिल्हा रुग्णालयात उपचाराकरिता पाठविण्यात आला आहे. डॉक्टरांनी तपासून मृत घोषित केले आहे.
