सोलापूर जिल्हा परिषदेतील अध्यक्ष आणि उपाध्यक्ष पदाच्या निवडणुका 20 मार्चपूर्वी घ्याव्यात असे ग्रामविकास विभागाने जिल्हाधिकाऱ्यांना आदेश दिले आहेत. त्यामुळे सोलापूर झेडपीचे अध्यक्ष आणि उपाध्यक्ष पद कोणाला मिळणार याची उत्सुकता ग्रामीण भागाला लागली आहे. दुसरीकडे सोलापूर महापालिकेतील स्वीकृत नगरसेवक तसेच स्थायी समितीचे सदस्य निवडले गेले. आता मार्च महिन्यात होणाऱ्या पहिल्या स्थायी समितीच्या बैठकीत सभापती निवडला जाणार आहे. त्यामुळे महापालिकेची तिजोरी समजल्या जाणाऱ्या स्थायी समितीची चावी कोणत्या स्थायी समितीच्या नगरसेवकाला मिळणार याची उत्सुकता लागली आहे. पालकमंत्री जयकुमार गोरे ठरवतील तोच स्थायी समितीचा सभापती होणार हे नक्की. या पदासाठी रंजीता चाकोते, अविनाश पाटील, राजकुमार पाटील, जयकुमार माने, गणेश वानकर, आदींची नावे चर्चेत आहेत. तसेच झेडपीचे आणि महापालिकेचे मार्च महिन्यात बजेट सादर होणार असल्यामुळे पदाधिकाऱ्यांच्या निवडी आणि बजेट याबाबत उत्सुकता लागली आहे.
TOP 25 । सोलापूर झेडपी ला अध्यक्ष पदाचे तर महापालिकेला स्थायी सभापतीचे वेध…!
