सोलापूर : सोलापूर शहरातील विमान सेवेला अडथळा ठरणारी सिद्धेश्वर कारखान्याची चिमणी जशी गेल्या आठ वर्षापासून गाजत आहे त्याचप्रमाणे सोलापूर शहरातील महापालिकेच्या मालकीच्या असलेल्या गाळ्यांचा विषय गाजत आहे. महापालिकेचे तत्कालीन आयुक्त चंद्रकांत गुडेवार यांचाच निर्णय शासनाने मान्य केला असून आता बाजार भाव किंवा रेडीरेकनर दरानुसार व्यापाऱ्यांना भाडे द्यावे लागणार आहे. सोलापूर महापालिकेच्या मेजर आणि मिनी शॉपिंग सेंटरमध्ये 1225 गाळे आहेत. यातील बहुतांश गाळ्यांचा करार कित्येक वर्षापूर्वी संपला आहे. करार नूतनीकरण नाही.. वाढीव भाडे तर सोडाच नियमित भाडे देखील व्यापाऱ्यांनी महापालिकेत जमा केले नाही त्यामुळे आता महापालिकेचे आयुक्त पी शिवशंकर यांनी शासनाच्या आदेशानुसार या सर्व गाळ्यांचा लिलाव करण्याचा निर्णय घेतला आहे हा प्रस्ताव निर्णयासाठी नव्हे तर केवळ नगरसेवकांच्या माहितीसाठी काल महापालिकेच्या सभेसमोर पाठवला होता शासनाच्या आदेशानुसारच कारवाई झाली पाहिजे अशी भूमिका नगरसेवक सुरेश पाटील यांनी घेतली मात्र अचानकच पक्षनेते श्रीनिवास करली यांनी पलटी मारून सुचना बदललयामुळे संतप्त झालेल्या सुरेश पाटील यांनी सभागृहात माईक फेकून दिला खुर्च्यांची देखील आदळआपट केली आता व्यापाऱ्यांनी काही पदाधिकाऱ्यांना हाताशी धरले आहे त्यांच्याशी अर्थ मैत्री करण्यासाठी देखील पुढाकार घेतला आहे मात्र आता काहीही झाले तरी शासनाच्या आदेशानुसारच आयुक्तांना कारवाई करावी लागणार आहे. त्यामुळे चिमणी पाठोपाठ आता गाळ्यांचा विषय देखील चांगलाच तापणार आहे
