येस न्युज मराठी नेटवर्क : आठवड्याची सुरुवात सेन्सेक्सने धडाकेबाज केली आहे. सोमवारी बाजार सुरु होताच सेन्सेक्सने ५०० अंकांची झेप घेतली आणि तो पहिल्यांदाच ५२००० अंकांच्या पातळीवर गेला. नव्या आठवड्याची झोकाने सुरुवात करत सेन्सेक्स आणि निफ्टीने आपली विक्रमी घोडदौड कायम ठेवली आहे. या तेजीत गुंतवणूकदारांची मालमत्ता किमान एक लाख कोटींनी वाढली आहे.निफ्टीने १३२ अंकांची झेप घेत १५३०० अंकांपुढे गेला आहे. हे सर्व संकेत अर्थव्यवस्था सावरत असल्याचे आहेत. इंडसइंड बँक, एचडीएफसी, आयसीआयसीआय बँक, एचडीएफसी, कोटक बँक, मारुती, एसबीआय, ऍक्सिस बँक, टायटन, अल्ट्राटेक सिमेंट, एचयूएल या शेअरमध्ये वाढ झाली आहे. तर एचसीएल टेक, टीसीएस, महिंद्रा अँड महिंद्रा, टेक महिंद्रा आणि ओएनजीसी या शेअरमध्ये घसरण झाली आहे.
