सोलापुरातील स्थानिक आणि नवउद्योजकांना सर्वतोपरी सहाय्य करू : मनीष काळजे (जिल्हाप्रमुख शिवसेना)
उद्योजकांच्या व्यवसाय वृद्धीसाठी सर्व वृत्तपत्र माध्यमांचे आश्वासन : महेश रामदासी संपादक, दिव्य मराठी
महाराष्ट्रीयन उद्योजक आणि व्यावसायिक यांना एकाच व्यासपीठावर एकत्र आणून व्यवसाय वृद्धीसाठी कटिबद्ध असणारी सॅटर्डे क्लब ग्लोबल ट्रस्ट ही एक एनजीओ स्वरूपातील संस्था असून महाराष्ट्रीय उद्योजक आणि व्यावसायिक यांच्यासाठी काम करते. प्रसिद्ध ब्रिज इंजिनिअर कै. माधवराव भिडे यांच्या संकल्पनेतून 2000 साली साकारलेल्या सॅटर्डे क्लब मध्ये आज महाराष्ट्रात 5500 हून अधिक व्यावसायिक सभासद आहेत. एकमेका सहाय्य करू अवघे होऊ श्रीमंत या ब्रीदवाक्याची बांधिलकी जोपासून दिनांक ८ जून 2024 रोजी सोलापुरात सॅटर्डे क्लबची स्थापना करण्यात आली.
आज रोजी प्रथम वर्धापन दिन मोठ्या उत्साहात बालाजी सरोवर येथे साजरा करण्यात आला. सदर वर्धापन दिन सोहळ्यास शिवसेनेचे जिल्हाप्रमुख मनीषजी काळजे तसेच दिव्य मराठीचे संपादक महेशजी रामदासी यांना प्रमुख पाहुणे म्हणून आमंत्रित करण्यात आले होते. याप्रसंगी वृत्तपत्राच्या माध्यमातून व्यवसाय वाढीस प्रयत्नशील असणाऱ्या पत्रकार बंधूंचा सन्मान चिन्ह देऊन सत्कार करण्यात आला.
स्थानिक व्यावसायिक आणि उत्पादकांना सर्व प्रकारची मदत करण्याचे प्रमुख पाहुणे माननीय मनीष जी कायदे यांनी आश्वासन दिले. तसेच महेश जी रामदासी यांनी देखील व्यावसायिक पातळीवरील अडचणी सोडविण्यास वृत्तपत्र माध्यम सदैव आपल्या पाठीशी आहे सदैव आपल्या पाठीशी राहतील असे सांगितले. सोलापूर चाप्टरचे चेअरमन जयपाल महिंद्रकर यांनी प्रमुख पाहुण्यांचे स्वागत करून कार्यक्रमास सुरुवात केली. कार्यक्रमाचे प्रास्ताविक महेश बिराजदार व अंबादास येमूल यांनी केले. प्रमुख पाहुण्यांचा परिचय चिन्मयी कीर्तन यांनी करून दिला. वर्धापन दिनाच्या सोहळ्याचे हिराचंद बोडा, आशिष बिराजदार डॉ. दिगंबर निर्मळे, सागर दुधनकर, अभिषेक जोशी, डॉक्टर सुधीर घोडके व त्यांचे सहकारी यांनी सुंदररित्या आयोजन केले. सदर सोहळ्यास सोलापुरातील नामवंत उद्योजक आणि व्यावसायिक उपस्थित होते. सॅटर्डे क्लबचे सदस्यत्व घेण्यासाठी सोलापुरातील व्यावसायिकांना चेअरमन जयपाल महिंद्रकर यांनी आवाहन केले आहे. यासाठी महेश बिराजदार यांच्याशी संपर्क साधावा. संपर्क क्र. 9422649949