सोलापूर : वटपौर्णिमा म्हणजे स्त्रीत्वाचा सण आणि याच्या निमित्ताने सोलापूर येथील रहिवासी मनिषा औदुंबर गोरे यांनी स्वतःच्या घरीच वटवृक्षाची शोभिवंत पूजा केली आहे . त्यांच्या निवासस्थानी असलेल्या या वटवृक्षाचे वय २४ वर्ष इतके असून प्रत्येक वटपौर्णिमेला सौ .मनिषा या त्याची मनोभावे पूजा करतात .बाहेरून झाडाची फांदी विकत घरात आणून त्याची पूजा करण्याऐवजी वडाचे एक रोपच प्रत्येक सुवासिनीने घरी आणून लागवड केल्यास निसर्गाचीही जपणूक करता येते आणि पूजा ही प्रामाणिकपणे होते या विचारातून १९९७ साली लग्न झालेपासून मनिषा गोरे यांनी या वटवृक्षाची लागवड केली असून ‘आम्हा पती पत्नीच्या नात्याचा हा एक हरित साक्षीदारच आहे’ असेही त्यांनी सांगितले . सध्या कोरोनाचे संकट असताना घरात राहून सुरक्षिततेच्या दृष्टीने विचार करून अशा पद्धतीने वटपौर्णिमा साजरी करणे हिताचे आहे असेही त्यांनी म्हणले आहे .
