येस न्युज मराठी नेटवर्क : रिझर्व्ह बँक ऑफ इंडिया (आरबीआय) ने गुरुवारी आपले नवीन पत धोरण जाहीर केले आहे. आरबीआयने व्याजदरात कोणताही बदल केलेला नाही. आरबीआयने रेपो दर चार टक्क्यांवर कायम ठेवला आहे. त्याच वेळी, रिव्हर्स रेपो दर देखील ३.३५ टक्क्यांवर राहील. आरबीआय गव्हर्नर शक्तिकांत दास यांनी सांगितले की, समितीने धोरणात्मक दरांमध्ये कोणताही बदल न करण्याचा निर्णय घेतला आहे. रिव्हर्स रेपो रेट ३.३५ टक्के राहील. मार्जिनल स्टँडिंग फॅसिलिटी रेट (एमएसएफआर) आणि बँक दर ४.२५ टक्के असेल. पत धोरणाचा पवित्रा ‘अनुकूल’ ठेवण्यात आला आहे. केंद्रीय बँकेने सलग १०व्यांदा व्याजदरात कोणताही बदल केलेला नाही. यापूर्वी, रिझर्व्ह बँकेने २२ मे २०२० रोजी अखेरचे व्याजदर बदलले होते.
आरबीआयने रेपो दर चार टक्के वर कायम ठेवला आहे. म्हणजे व्याजदरात कोणताही बदल नाही. त्याचबरोबर रिव्हर्स रेपो दरही कायम ठेवण्यात आला आहे. एमपीसीच्या सहा पैकी पाच सदस्यांनी व्याजदर कायम ठेवण्याच्या बाजूने मतदान केले. रिझर्व्ह बँकेने २२ मे २०२० रोजी अखेरचे व्याजदर बदलले होते.
