सोलापूर : कोरोनाला १ वर्ष पूर्ण होत असताना पुन्हा एकदा संचारबंदी लागू करण्याची परिस्थिती निर्माण झाली आहे. कलाकाराच्या कलेला कशाचेही बंधन नसते. कलाकार त्याच्या कलेतून प्रत्येक सण अगदी आनंदाने साजरा करू शकतो आणि याची प्रचिती वरील छायाचित्रातील कलाकृतीतून पहायवयास मिळते. घरात राहून सण साजरे करणे हिताचे असल्याने सोलापूर येथील युवा कलाकार प्रणोती औदुंबर गोरे आणि त्यांच्या मातोश्री मनिषा औदुंबर गोरे यांनी रंगपंचमीनिमित्त विशेष रांगोळी साकारली आहे.
भारताने संशोधन केलेली लस सरकारने सर्व जनतेसाठी उपलब्ध करून दिली आहे ती घेऊया, सुरक्षित राहूया आणि असेच आयुष्यात सुखाचे रंग भरूया असा संदेश कलाकृतीतून देण्याचा प्रयत्न केला आहे. ६×७ फूट इतका या रांगोळीचा आकार असून या भव्य कलाकृतीसाठी प्रणोती गोरे हिला ४ तासांचा अवधी लागला. या आधीसुध्दा प्रणोती गोरे यांनी अशाच माहितीपूर्ण कलाकृती साकारल्या आहेत.
