ओळखीचा फायदा करून प्रवासी झोपली की त्यांचा मोबाईल चोरी करून न्यायचा..
सोलापूर, : लोहमार्ग पोलीस व आरपीएफ यांनी संयुक्तरित्या दोघांना अटक करुन त्यांच्याकडून सोलापूर रेल्वे स्टेशन तसेच रेल्वेतून प्रवास करणाऱ्या प्रवाशांचे चोरलेले आठ मोबाइल व लॅपटॉप जप्त केले आहेत.
प्रवाशांच्या झोपेचा फायदा घेऊन मोबाइल चोरी तसेच इतर साहित्य चोरी करणारी टोळीचा पाठलाग करून तीन आरोपींना पकडण्यात यश आले. सदर टोळीकडून आठ मोबाईल हस्तगत करण्यात आले असून यातील आरोपींनी शिर्डी येथे राहणाऱ्या भंगार विक्रेत्यास विकलेला लॅपटॉप व मोबाइल हे सोलापूर लोहमार्ग पोलीस ठाण्यातील डिटेक्शन टीमचे इन्चार्ज पोलीस निरीक्षक एम.जे. गुरव, तपास अंमलदार एस. एस. वायदंडे, एस. व्ही. कोळी, प्रसाद गायकवाड यांनी शिर्डी येथील आरोपर्णी कडून हस्तगत केला. यातील जप्त केलेले मोबाइल हे मूळ मोबाइल धारकांचा शोध घेऊन सोलापूर लोहमार्ग पोलीस ठाण्यात देण्यात आले. ही कारवाई पुणे लोहामार्गचे पोलीस अधीक्षक तुषार दोषी, अपर पोलीस अधीक्षक रोहिदास पवार, तसेच उपविभागीय पोलीस अधिकारी लोहमार्ग विभाग संतोष गायकवाड यांच्या मार्गदर्शनाखाली करण्यात आली.
