येस न्युज नेटवर्क : भारत जोडो यात्रेचा आज महाराष्ट्रातील पाचवा दिवस असून दुपारी चार वाजता यात्रा हिंगोली जिल्ह्यात दाखल होणार आहे. शिवसेना नेते आदित्य ठाकरे हे आज भारत जोडो यात्रेत सहभागी होतील. राहुल गांधी यांच्या नेतृत्त्वातील ‘भारत जोडो’ यात्रा महाराष्ट्रात आहे. आज या यात्रेचा राज्यातील पाचवा दिवस आहे. आज नांदेड जिल्ह्यातील 120 किलोमीटरचे अंतर पार होत असून आज दुपारी चार वाजता यात्रा हिंगोली जिल्ह्यात दाखल होणार आहे. या यात्रेदरम्यान, सामान्य नागरीक, काँग्रेस कार्यकर्ते यांना राहुल गांधी यांना भेटत आहेत. एका व्यक्तीने राहुल गांधी यांना भारतीय संविधानाची प्रत दिली. राहुल यांनी आदरपूर्वक स्वीकार केला. भारत जोडो यात्रे दरम्यान राहुल गांधी यांना एकाने घोंगडी आणि फुले पगडी दिली. राहुल गांधी यांनी त्याचा स्विकार केला.
