सोलापूर : सोलापुरातील रा.ना. पवार प्रतिष्ठानच्यावतीने अक्कलकोट तालुक्यातील चुंगी येथील उत्कर्ष वाचनालयाला पुस्तके भेट देण्यात आली. प्रतिष्ठानचे अध्यक्ष कविवर्य माधव पवार यांच्या हस्ते तसेच श्रीकांत येळगावकर पद्माकर कुलकर्णी यांच्या उपस्थितीमध्ये सदरची पुस्तके वाचनालयाचे अध्यक्ष नारायण चव्हाण तसेच दत्तात्रय थोरे यांच्याकडे सुपूर्त करण्यात आली. यावेळी बालाजी माने , प्रशांत गायकवाड उपस्थित होते .प्रारंभी दत्ता थोरे यांनी उत्कर्ष वाचनालयाची माहिती दिली…. कविवर्य माधव पवार यांनी रा. ना. पवार यांच्या आठवणींना उजाळा देत उत्कर्ष वाचनालयाचे कौतुक केले.हिराचंद नेमचंद वाचनालयचे अध्यक्ष श्रीकांत येळेगावकर यांनी देखील रा.ना. पवार यांच्या आठवणी सांगितल्या. महाराष्ट्र साहित्य परिषदेचे पद्माकर कुलकर्णी यांनी देखील या वेळेस मनोगत व्यक्त केले…उत्कर्ष वाचनालयाचे नारायण चव्हाण यांनी पुस्तके भेट दिल्याबद्दल रा. ना. पवार प्रतिष्ठानचे आभार मानले.
