सोलापूर : शहर राष्ट्रवादी काँग्रेस महिला आघाडीच्या वतीने शहराध्यक्ष सुनीता रोटे यांच्या नेतृत्वाखाली गुरुवारी जिल्हाधिकारी कार्यालय समोर भारतीय जनता पार्टीचे आमदार सुभाष देशमुख यांच्या विरोधात निदर्शने करण्यात आली. सुभाष देशमुख यांनी समस्त महिला वर्गाची माफी मागितली पाहिजे अशी मागणी या आंदोलनातून करण्यात आली आहे.
यावेळी शशिकला कसपटे, लता फुटाणे, नसीमा शेतसंधी, सिया मुलाणी, सुनीता साठे, सुनीता गायकवाड, आशालता दीक्षित, ज्योती कांबळे, कुंदन कांबळे, गीता भोसले, सुनंदा पाटील, योगिता भालेकर, किरण मोहिते यांच्यासह महिला कार्यकर्त्या उपस्थित होत्या.
शहराध्यक्षा रोटे म्हणाल्या, भाजपचे आमदार, पदाधिकारी हे महिलांची बदनामी करत सुटले आहेत. यापूर्वी असे अनेक प्रकार घडले आहेत, आता तर भाजप आमदार सुभाष देशमुख यांनी देवेंद्र फडणवीस हे महिलांवर फिदा झाल्याचे वक्तव्य केले आहे, याचा काय अर्थ काढायला? ही सरळसरळ महिलांची बदनामी असून त्यांनी माफी मागावी अशी मागणीही त्यांनी यावेळी केली.
