सोलापूर : बैलांची मिरवणूक काढून जमावबंदी आदेशाचे उल्लंघन केल्याप्रकरणी सोलापुरात नगरसेवकावर गुन्हा दाखल करण्यात आला आहे. नगरसेवक सद्दाम शेरीकर यांच्यासह साठ जणांवर गुन्हा नोंदवण्यात आला आहे. कारहुणवी सणाच्या निमित्ताने अक्कलकोटमध्ये बैलांची मिरवणूक काढण्यात आली होती.
शहरातील कारंजा चौक येथून कारहुणवी सणाच्या निमित्ताने बँड पथकासह बैल जोड्यांची मिरवणूक काढण्यात आली होती. सोलापूर ग्रामीणच्या उत्तर पोलिस ठाण्यात या प्रकरणी गुन्हा दाखल करण्यात आला आहे. आरोपींमध्ये नगरसेवक सद्दाम शेरिकर यांच्यासह 60 जणांचा समावेश आहे.
बैलांची मिरवणूक काढून जमावबंदी आदेशाचे उल्लंघन केल्याचा ठपका ठेवण्यात आला आहे. कोरोनाच्या पार्श्वभूमीवर शहरात जमाव बंदी आदेश लागू असतानाही मिरवणुकीसाठी गर्दी जमवल्याप्रकरणी गुन्हा दाखल करण्यात आला आहे.