सोलापूर : COVID-19 चा वाढता प्रादुर्भाव लक्षात घेऊन सोलापूर शहर जिल्ह्यातील विविध सुविधांपासून वंचित असलेल्या भागांमध्ये AGRICOS Agro industries यांच्या सहकार्याने आणि आ. प्रणिती शिंदे यांच्या नेतृत्वाखाली प्रियदर्शनीच्या माध्यमातून सोलापूर शहर मध्य येथील बेघर निवारण केंद्रात दिनांक 29 मार्च रोजी स्टीमर व ब्लिचिंग पावडर वाटप करण्यात आले.
सदर प्रसंगी बोलताना बेघर निवारण केंद्रातच स्टीमर उपलब्ध झाल्याने तेथील रहिवासी असणाऱ्या वृद्धांना त्याचा फायदा होईल असं प्रणिती शिंदे म्हणाल्या. ग्रामीण भागात खास करून गर्भवती महिला आणि लहान मुलांना याचा लाभ व्हावा या हेतुने या स्टीमर मशीन चे वाटप करण्यात येणार आहे… बेघर निवारण केंद्रा पासून सुरू झालेले हे कार्य सोलापूर जिल्ह्यातील ग्रामीण भागात पोहोचवण्याचे कार्य प्रियदर्शनी च्या माध्यमातून यापुढे हि करण्यात येणार आहे…
सदर कार्यक्रमास जय भारत संस्थेचे व्यवस्थापक प्रदीप नागटिळक, केअर टेकर पुष्पा कांबळे, उमेश गलांडे, भरत सिंग तसेच महानगरपालिकेचे वसीम शेख, वाघमारे यांच्यासोबतच प्रियदर्शनीच्या जिल्हा समन्वयक प्रियांका डोंगरे, शहर समन्वयक श्रद्धा हुल्लेनवरू, कार्याध्यक्षा ऐश्वर्या हिबारे, सचिवा स्मिता आळंगे, सहसचिवा प्रशंसा अडसुळे, साक्षी गवळी आदी उपस्थित होते. कार्यक्रमाचे सूत्रसंचालन ऐश्वर्या हिबारे यांनी केले. तर आभार श्रद्धा हुल्लेनवरू यांनी मानले.
